تحدثت الفنانة إلهام عبد البديع عن زوجها الملحن وليد سامي وكشفت أن أسرتها عارضت زواجهما كونها تكبره في العمر.
وقالت إلهام عبد البديع خلال لقائها في برنامج "نص الكلام" من تقديم راغدة شلهوب عبر قناة "النهار": أنا أكبر من جوزي وليد بـ8 سنين، في البداية خفت من خطوة الارتباط بيه كانت مرعبة، في الأول مكنتش أعرف فرق السن، بعدين انصدمت وقولت يمكن عشان كده أحنا بنتخانق كتير، وبحاول أحط نفسي في مكانه وافتكر وأنا في عمره كنت بعمل إيه، أنا بحترمه وبديله مساحته.
للخبر بقية في الأسفل.. ومن أخبارنا أيضاً:
مفاجاة.. خطوبة أحمد العوضي بفتاة من خارج الوسط الفني!
"أنا اتخدعت".. عريس يكتشف أن زوجته رجل بعد 12 يوما من الزواج!
اعملي زي محمد صلاح.. مدحت العدل يوجه رسالة لياسمين صبري!
بيان عاجل من اشرف زكي حول حالة عادل امام الصحية
وتابعت متحدثه عن موقف أسرتها: في الأول كان في علامات استفهام، أنا شكلي مش بيدل على سني محدش كان يعرف أو يتوقع أني أكبر، أهلي في البداية كانوا قلقانين ومعترضين وحتى الآن، هما خايفين من التجربة لأننا في الخطوبة متفقناش كانوا خايفين من خطوة الزواج ومتوقعين الطلاق بنسبة 90% وإحنا بنحارب عشان دا ميحصلش.
وتحدثت عن تعليقات البعض كونها متزوجة من شخص يصغرها في السن: في ناس كتير قالت إن دي حاجة كارثية وأن العلاقة مش هتنجح، لأن المرأة عادة بيكون تفكيرها أنضج، لكن هو ذكي وقدر يتخطي العقبات، محدش مقدر ظروفي الناس شايفينا في التليفزيون وإحنا مبسوطين وحاطين مكياج لكن لما برجع البيت بكون لوحدي، وأنا مش هبقى لوحدي عشان الناس بتقول دا مش مناسب أو دي فنانة، أنا عاوزة يكون عندي بيت وأولاد وحياة خاصة.
يذكر أن إلهام عبد البديع ووليد سامي احتفلا بزواجهما في 30 أكتوبر الماضي، وأقيم الحفل بأحد الفنادق الكبرى بالقاهرة، واقتصر حضوره على الأهل والأصدقاء المقربين للعروسين.
