تحدثت الفنانة ميرهان حسين عن تفاصيل اعتزالها الفن وعودتها مرة أخرى مشيرة إلى أنها دخلت في حالة اكتئاب بسبب تعرضها للظلم بجانب الحديث عن سر رفضها العديد من الأعمال الفنية.
وأكدت ميرهان حسين قائلة: "لما أعلنت اعتزالي كان عندي حالة إحباط عام لدرجة الاكتئاب ومضغوطة ومش مبسوطة ومكنتش مخططة للاعتزال وأنا زي أي حد ممكن اتضايق وأحس بظلم وأتعب واتخنقت جدا وحسيت إني عايزة أبعد عن كل حاجة مش قصدي الفن تحديدا وكتبت على "إنستجرام" إني أجازة مفتوحة من السوشيال ميديا وكنت عايزة أريح نفسي لأن كل حاجة بقت تضايقني".
للخبر بقية في الأسفل.. ومن أخبارنا أيضاً:
مفاجاة.. خطوبة أحمد العوضي بفتاة من خارج الوسط الفني!
"أنا اتخدعت".. عريس يكتشف أن زوجته رجل بعد 12 يوما من الزواج!
اعملي زي محمد صلاح.. مدحت العدل يوجه رسالة لياسمين صبري!
بيان عاجل من اشرف زكي حول حالة عادل امام الصحية
وتابعت ميرهان حسين: "أنا لما قولت كلمة أعتزل كان قصدي أعتزل ما يؤذيني لإن حالتي النفسية غير مستقرة إنما لو قولت الجملة كانوا هيفهموا إن الفن بيأذيني وأنا كتبت وقفلت تليفوني كام يوم وبطلت أتفرج على التليفزيون لإني مكنتش مستنية حاجة تحصل إنما كنت في إجازة ووصلي حب الناس وإن كتير زعلوا عشاني وبشكر كل حد من صحابي والجمهور وأي شخص كتبلي كلمة كويسة ودا خلاني أشوف الصورة أفضل وإن الحياة مش سودا كلها".
وواصلت ميرهان حسين: "الفن المفروض يخضع في المقام الأول للموهبة والكاريزما مش العلاقات وللأسف الوسط الفني العلاقات فيه بتلعب دور كبير ولكن فيه كتير أبناء فنانين وملاقوش النجاح لإن معندهمش موهبة كفاية ولا حب الناس ولازم الفرصة تكون أساسها الموهبة إنما لو واحدة متجوزة منتج ولا مخرج وعندها موهبة يبقى مفيش مشكلة لكن لو تفتقر للموهبة يبقى مينفعش".
ووجهت ميرهان حسين رسالة للمخرجين قائلة: "بطلب من المخرجين والمنتجين يشوفوني في أدوار مختلفة لإني اضطريت أقعد في البيت كتير في بداياتي الفنية لإن الأدوار بتتكرر وبالتالي برفضها وأنا مش بنتج بنفسي ومقدرش أختار الدور والمخرج لازم يشوف قدرات الفنانة اللي قدامه ومينفعش يجيب واحدة مش مصرية ويخليها تحاول تتكلم مصري، والظلم وحش وعدم التقدير أوحش".
