قررت الفنانة ميمي جمال الظهور في مسلسل سفاح الجيزة بشكل طبيعي وبدون أي مكياج، وذلك حتى تقدم شخصية حقيقة للجمهور.
حيث قالت: "أنا بحب أبان طبيعية في أدواري ورفضت أحط مكياج في الشخصية اللي بقدمها عشان تطلع حقيقية ومناسبة للمشهد ويصدقها الجمهور، وأنا مش بيفرق معايا شكلي يطلع حلو ولا وحش المهم إن الجمهور يصدقه".
للخبر بقية في الأسفل.. ومن أخبارنا أيضاً:
مفاجاة.. خطوبة أحمد العوضي بفتاة من خارج الوسط الفني!
"أنا اتخدعت".. عريس يكتشف أن زوجته رجل بعد 12 يوما من الزواج!
اعملي زي محمد صلاح.. مدحت العدل يوجه رسالة لياسمين صبري!
بيان عاجل من اشرف زكي حول حالة عادل امام الصحية
وعن دورها في المسلسل، قالت: "أنا عملت دور عمة أحمد فهمي في سفاح الجيزة وأنا اللي ربيته بعد دخول مامته السجن بسبب انها كانت بتبيع لحمة حمير وكلاب وبعدها هوى اقنعني أما مامته خرجت إني اعيش في دار مسنين ولكن بعد ما اتخانقت مع مامته وضربتها بالقلم حب وتسخين مامته خلته يقلتني وأنا الوحيدة اللي متدبحتش في المسلسل على عكس الباقي وده لأني كنت بحبه وهو بيحبني".
وعن سبب قبولها للدور، أوضحت: "أحمد فهمي اللي كلمني عشان أعمل دور عمته في سفاح الجيزة وأما كلمني رغم إني طالعة ضيفة في العمل مترددتش لحظة لأني بحبه، وبالنسبالي كفايا إنه من اخراج هادي الباجوري فكان حاجة حلوة بالنسبالي، والحمدلله عملنا المشهد وحقق نجاح كبير وبقى تريند".
وتابعت: "اتبسط بردود الفعل على أول حلقتين من المسلسل ولسة اللي جاي هيحقق نجاح أكبر إن شاءالله لأن في تفاصيل وأحداث ومفاجأت هتتقال لأول مرة محدش هيتوقعها، وكلمت أحمد فهمي وهنأته بنجاحه على العمل وقولتله اني سعيدة بيه وانت خرجت عن توبك لأنك متعود إن تظهر بالشكل الكوميدي دايما".