خلال لقاء مع برنامج ET بالعربي، كشف الفنان مصطفى قمر عن سبب أزمته الأخيرة مع الناقد الفني طارق الشناوي.
وقال: "بيقول إن الفيلم لا يمت للسينما.. يا نهار أسود طب والأستاذ علي إدريس المخرج ده يبعمل ايه.. بيبيع كفته؟".
للخبر بقية في الأسفل.. ومن أخبارنا أيضاً:
ياسمين عز تفجر مفاجأة وتعلن القبض على الاعلامي اللبناني نيشان!
ياسمين عز تفجر مفاجأة وتعلن القبض على الاعلامي اللبناني نيشان!
وتابع: "هو ينقد براحته إنما يقول مصطفى قمر فاشل مينفعش بعد 35 سنة نجاح وأغاني و22 ألبوم و12 فيلم وحفلات جوه مصر وبره مصر، ازاي تسمح لنفسك تقول الكلام ده".
وأضاف: "هل أنا عجوز يعني؟ أنا أصغر واحد في جيلي، وبعدين بيقول عليا قديم، أنا اللي قديم طب نحط صورنا جنب بعض مين هيبقى قديم فينا، وهو يقدر يقول كل حاجة هو عايزها بس بصراحة حاجة تضحك".
وواصل: "باين أنه مستقصد العمل وهل هو شاف الفيلم ولا ماشفش الفيلم؟، هو ماشفش الفيلم، وبينقد وهو ماشفش الفيلم، غريبة أوي أول مرة أشوفها في حياتي".
وأكمل: "من أيام فيلم الحب الأول وهو بينتقدني واتقابلنا في موقف ما وشكله اتقمص مني، ومن وقتها وهو طول الوقت يتكلم عن مصطفى قمر، ومينفعش هو يتكلم على مصطفى قمر كمطرب وهو مش مطرب، أنا دارس مزيكا وبلحن".