نفت الفنانة ليلى طاهر إمكانية عودتها للفن مرة أخرى بعد أن قررت الاعتزال، كما تحدثت عن رأيها في الدراما الحالية كما كشفت ايضا عن طبيعة علاقتها بالفنانين.
وقالت: "عمري ما هرجع تاني للفن، وعندي رضا واكتفاء عن مشواري الفني كله".
للخبر بقية في الأسفل.. ومن أخبارنا أيضاً:
ياسمين عز تفجر مفاجأة وتعلن القبض على الاعلامي اللبناني نيشان!
ياسمين عز تفجر مفاجأة وتعلن القبض على الاعلامي اللبناني نيشان!
وتابعت: "قدمت تراث عظيم طوال مشواري، وبحترم تاريخي جدًا، والجمهور بيحبني من خلال أعمالي السابقة وبيحترمها وبيقدرها، والموضوعات اللى بتتناقش حاليًا مختلفة عن الدراما سابقَا".
وأضافت: "لا يمكن أرجع أقدم حاجة أقل من اللي قدمتها قبل كده، وفي أعمال اتعرضت عليا خلال السنوات السابقة كانت أقل من كل اللى قدمته، ولكن مش أقل من قدري".
وواصلت: "سعيدة بالدراما والأعمال الدرامية في مستوى كويس، لكن بعد غيابي سنوات ماينفعش أرجع تاني خلاص، والجمهور أكيد عاوز ليلى طاهر بتاعت زمان بالأعمال الحلوة اللي كنا بنعملها، حتى الموضوعات دلوقتي اتغيرت بقى شكلها حاجة تانية وأعمال زمان مش موجودة حاليًا، ولكن أنا سعيدة بالدراما وفي نجوم جداد متميزين".
وأكملت: "طول عمرى علاقتي بالفنانين كويسة مش زيارات طوال الوقت ولا خروجات لإن كبرنا وكل واحد بقى في حاله، لكن لما بتيجي مناسبة معينة بنهني فيها بعض وبنعزي بعض وعلاقتي كانت طول عمرها حلوة بزملائي وزميلاتي".
