حسمت الاعلامية المصرية مها الصغير خبر طلاقها من زوجها الفنان أحمد السقاء، حيث انتشر هذا الخبر بشكل كبير خلال الساعات الماضية.
الاخبار زعمت طلاق مها الصغير من الفنان أحمد السقا، بعد حديثها في الحلقة السابقة من برنامجها الستات ما يعرفوش يكدبوا عن العلاقة الصحية بين الأزواج.
للخبر بقية في الأسفل.. ومن أخبارنا أيضاً:
"بسبب خديجة بن قنة".. خبر طرد الاعلامي فيصل القاسم من قناة الجزيرة يصدم الجمهور في الوطن العربي!
ومن خلال برنامج الستات ما يعرفوش يكدبوا، قالت مها الصغير: يوم الأربعاء ناقشت موضوع زي أي موضوع أو مشكلة بناقشها بشكل يومي في البرنامج بالاتفاق مع الإعداد واتكلمت عن العلاقة الصحية بين الأزواج، وإن فيه سيدات بتكون عايشة وخلاص وأكيد فيه كتير مش كده، وكذلك فيه رجالة عايشة والسلام، وقلت إن ده موضوع بنسلط عليه الضوء ولازم نشوف لها حل.
وأشارت مها الصغير إلى أن حديثها في عن العلاقة بين الأزواج أُخذ عليها وتوقع البعض أنها تتحدث عن مشكلة لها وأنها انفصلت عن الفنان أحمد السقا، موضحة: اتاخد عليا الكلام وإن فيه انفصال، وفيه ناس بتاخد حاجات من السوشيال تفسرها غلط وعلى أهوائها، ومش معنى إني بتكلم ولا بناقش موضوع إني بعبر عن نفسي، ومثلا عندنا بكره موضوع عن أزمة منتصف العمر هل ده معناه إننا في البرنامج بنعاني من أزمة منتصف العمر؟، وكذلك عندنا موضوع عن المخلوعين والمخلوعات، وده موجود ف مجتمعنا وقضايا لازم نناقشها، هل ده عن نفسنا؟.
وأضافت مها الصغير: بلاش تاخدوا حاجات عن لساني ما قولتهاش، لأن حياتي الخاصة لا أحب أن تكون للمشاع لأن في أولاد ممكن يتأذوا، ومش بس في موضوع الجواز والطلاق لأن فيه حاجات قبل كده حصلت زي مرض أحمد السقا واتقال كلام غلط وده بيأذي الأولاد.
واختتمت مها الصغير حديثها قائلة: بلاش تتوقعوا أو تستنتجوا، وأنا لو عندي حاجة عايزة أقولها هقولها عادي، وده برنامج وبطلوا تريندات وهمية على حساب ناس، ومش أنا فقط، وأي حد بيتكلم على التلفزيون بيناقش قضية وبيتكلم في حاجة معينة.
