تحدثت الفنانة هالة صدقي عن تفكيرها في اعتزال الفن قبل تقديمها شخصيتها في مسلسل "جعفر العمدة" التي حققت من خلالها نجاحا كبيرا موضحة أنها مهما كانت الشخصية التي ستقدمها فيما بعد سيقارن الجمهور بينها وبين شخصية صفصف في "جعفر العمدة".
وأكدت هالة صدقي في تصريحات تليفزيونية: "كنت بفكر أعتزل الفن قبل دوري في جعفر العمدة لإن فيه كام تجربة ورا بعض حسيت إن الحكاية باظت شوية مش ده اللي أنا متربية عليه يعني المخرجين الورق بيتكتب في اللوكيشين والبطل ممكن يلغي المؤلف خالص ويغير مخرجين وألاقي لو في بطل أو بطلة تاني نفطس دور تاني عشان نجاملها ودول بيشتغلوا لمصلحة أشخاص الوكويسين بقوا قليلين أوي".
للخبر بقية في الأسفل.. ومن أخبارنا أيضاً:
"بسبب خديجة بن قنة".. خبر طرد الاعلامي فيصل القاسم من قناة الجزيرة يصدم الجمهور في الوطن العربي!
حقائق وخفايا صاډمة تكشف لأول مرة عن أشهر مذيع فيصل القاسم بعد انتشار خبر فصله من قناة الجزيرة!
واستطردت: "محمد سامي مخرج مختلف وشارب من الجيل القديم هو كوكتيل من قديم وجيل جديد بنظرة جديدة وقبل ما يكتب صفصف كلمني وقالي جالي فكرة أكتبها؟ بس هي أم لولدين كبار قولتله أنا ممثلة هو ممثل مش حقيقي ومتواضع وبيفكر برا الصندوق وعلشان كده هو محمد رمضان ركبوا مع بعض جدا لإنهم بيفكروا برا الصندوق".
وأكدت الفنانة هالة صدقي أنه سيكون هناك مقارنة بين أعمالها المقبلة ودورها في مسلسل "جعفر العمدة" قائلة: "الناس حبوا صفصف مش هالة صدقي وأنا شبه نسيت اسمي كله بيقول الملكة صفصف طول الوقت في الشارع ومهما قدمت بعد كده هيكون في مقارنة بين الدور وبين صفصف وربنا يرزقني بموضوع كويس إن شاء الله".
وواصلت: "أنا كل حاجة بعملها مميزة وأنا محظوظة إني اشتغلت مع مخرجين كبار مهمين وعندي مجموعة حاجات سعيدة إني عملتها وفخورة أنها موجودة في الملف بتاعي".