بعد طلاق أحمد سعد وزوجته، علق الفنان خالد عليش، من خلال حسابه على فيسبوك، على انتشار ظاهرة الطلاق واستسهاله من قبل الكثيرين.
وقال: "أنا بزعل جدًا لما بعرف خبر عن اتنين بيحصل انفصال بينهم خصوصا لو عدى على علاقتهم سنين وعشرة وبينهم أطفال.. أنا مؤمن جدًا أن الانفصال حتمي في حالة المشاكل الكبيرة والوصول لحائط مسدود، وأما تخلص كل الحلول المتاحة ويمكن ده اللي حصل معايا في تجربة زواجي الأولى أنا مكنتش عايز انفصل بس فجأة مفيش حل غير الانفصال".
للخبر بقية في الأسفل.. ومن أخبارنا أيضاً:
حقائق وخفايا صاډمة تكشف لأول مرة عن أشهر مذيع فيصل القاسم بعد انتشار خبر فصله من قناة الجزيرة!
وأضاف: "أنا طبعا معرفش رواية كل اتنين انفصلوا ولا إيه الأسباب ورا ده ويمكن يكونو جربوا كل الحلول وفشلوا.. بس اللي أنا شايفة إن النسبة بتزيد أوي بقى في استسهال واستغناء والحالات كترها بقى يخوف أوي احنا مبقناش باقيين على بعض ولا قادرين نستحمل بعض لا ست ولا راجل.. مش مرتاحة معاه هامشي.. مش مرتاح معاها هاجري".
وواصل: "بقيت كل ما أسمع خبر انفصال بزعل جدا ومش بتكلم بس على شخصيات عامة بص حواليك هتلاقي نماذج كتير.. لو سمحت يا جماعة نستحمل بعض.. نبقى باقيين على بعض.. مهمين في حياة بعض.. مقدرين بعض.. بلاش تستسهلوا الانفصال الموضوع مؤذي جدا لكل الأطراف حتى لو مفيش أطفال ما بالك بقى لو في أطفال".
